Alumni Parlamentu Foinsa’e Timor Leste (APFTL) ho nia parseiru Childfund Timor-Leste, ofisialmente asina Akordu ba kontinuasaun Projeitu Swipe Safe/Seguransa Online hodi hametin sistema protesaun labarik no foinsa’e sira iha Timor-Leste.

Iha asina akordu ne’e, Prezidenti APFTL Benvinda Gusmão Alves akresenta, agradese ba servisu hamutuk no apoiu husi CFTL,liu husi ita asina akordu ne’e atu hakesi ita nia servisu hamutuk. No APFTL nafatin ho komitmentu hodi servisu bazeia ba planu ne’ebé maka parte rua iha, nune’e bele kontribui ba sosiedade ne’ebé seguru liu-liu iha mundu internet.

Iha parte seluk, Sra. Alzira dos Reis (Diretora País, CFTL) afirma, APFTL hanesan organizasaun juventude ne’ebé servisu hamutuk kleur  no agora asina akordu kontinuasaun ba servisu hamutuk ba fulan neen (6), hahú husi 01 Outubru 2025 to’o 31 Marsu 2026. CFTL agradese ba komitmentu mak APFTL  hodi servisu hamutuk hodi hakat ba oin ba joven no labarik iha Timor-Leste.